Komisioni Evropian ka refuzuar draftin e Italisë për buxhetin e 2019, sepse plani thyen rregullat e BE-së në një mënyrë të paprecedent dhe ka kërkuar nga Roma që të paraqesë një të ri brenda tri javëve ose do të përballet me veprim disiplinor.

Vendimi nga krahu ekzekutiv i Bashkimit Evropian shënon herën e parë të ushtrimit të forcës, që është marrë gjatë krizës së borxhit më 2013, për të kthyer buxhetin e një vendi të eurozonës që shkel rregullat, transmeton portali arbresh.info.

“Sot, për herë të parë, Komisioni është i detyruar të kërkojë nga një vend i eurozonës që të rishikojë planin e tij të buxhetit”, tha në një konferencë për shtyp zëdhënësi i Komisionit për Euro Valdis Dombrovskis.

“Por ne nuk shohim asnjë alternativë sesa të kërkojmë nga qeveria italiane që ta bëjnë këtë. Ne kemi miratuar një mendim që i jep Italisë një maksimum prej tre javësh për të siguruar një draft plan të rishikimit buxhetor për vitin 2019”, tha Dombrovskis.

Komisioni tha se buxheti i rishikuar që pritet të bëhet nga Italia duhet të jetë në përputhje me rekomandimin e ministrave të financave të BE që nga 13 korriku.

Në muajin korrik, ministrat e BE i kërkuan Romës të zvogëlojë deficitin e saj strukturor, i cili përjashton one-off dhe ndryshimit të ciklit të biznesit, me 0.6 për qind të GDP-së. Plani i kundërshtuar nga Komisioni rrit këtë deficit me 0.8 për qind të GDP-së.

Italia i dërgoi një letër Komisionit të hënën, duke pranuar se projektbuxheti i saj ishte në kundërshtim me rregullat e BE, por duke këmbëngulur se do të vazhdonte ende me të.

“Qeveria italiane haptazi dhe me vetëdije po shkon kundër angazhimeve që ka bërë,” tha Dombrovskis.

Dombrovskis tha se Italia kishte borxhin e dytë më të lartë ndaj GDP-së në BE në 131.2 për qind në vitin 2017 dhe kostot më të larta të shërbimit të borxhit në Evropë./Arbresh.info/